09 мар 13:58
Янгиликлар

Бокс/ММА

TUF 32 шоуси мураббийлари маълум

UFC Алекса Грассо ҳамда Валентина Шевченко ўртасидаги учинчи жангни ўтказишга қарор қилди.

Ундан аввал эса жангчилар UFC'га тегишли бўлган TUF 32 (The Ultimate Fighter) шоусининг мураббийлари сифатида ишлашади. UFC жангчилари ярим енгил ва ўрта вазн тоифасидаги жангчиларни тайёрлашади. TUF 32 шоусининг илк сони ёзда эфирга узатилади.

Эслатиб ўтамиз, жангчиларнинг илк баҳсида Грассо ғалаба қозонган ва Шевченкога тегишли бўлиб турган камарни қўлга киритганди. Реванш жангида эса ҳакамлар дуранг қайд этишган.