26 июл 17:32
Янгиликлар

Велоспорт

Тур де Франс. Кинтана 18-босқич ғолиби!

Велоспорт оламининг энг нуфузли мусобақаларидан бири Тур де Франс ўзининг қизғин палласига кирди.

Франция йўллари бўйлаб ўтказилаётган мусобақанинг 18-босқич пойгаси якунига етди. Амбрен – Валуар шаҳарлари оралиғидаги 208 км масофада ўтган пойгада колумбиялик Найро Кинтана ғолибликни қўлга киритди.

Movistar жамоаси аъзоси белгиланган масофани 5 соату 34 дақиқа 15 сонияда босиб ўтди. Ғолибга 1 дақиқа 35 сония вақт бой берган Ромен Барде иккинчи ўринни эгаллади. Қозоғистонлик Алексей Луцэнко эса кучли учликка якун ясади.