Тухель ЕЧЛда ғолиб бўлган тақдирда ҳам клубдан кетиши аниқ

"Бавария" клуби бош мураббийи Томас Тухель Европа Чемпионлар Лигасини қўлга киритган тақдирида ҳам Мюнхенни тарк этади. Клуб бош ижрочи директори Ян-Кристиан Дрезен буни тасдиқлади.

"ЕЧЛни қўлга киритиб, Тухель билан хайрлашсак, бундан барчамиз хурсанд бўламиз. Тухель кетишини эълон қилган пайтга эътибор бериш керак. Ўшанда вазият бошқачароқ эди", -дейди Дрезен.

Маълумот учун, "Бавария" ЕЧЛ ярим финалининг илк баҳсида "Реал" билан ўз уйида жанговар (2:2) дуранг қайд этди.