23 мар 11:44
Янгиликлар

Футбол

Тухель Лондонга "Тоттенхэм" бош мураббийи сифатида қайтиши мумкин

Италиялик мутахассис Антонио Конте жамоадан кетишга яқин турибди.

Антонио Конте тез орада "Тоттенхэм" бош мураббийлигидан кетади. "Шпорлар" раҳбарияти аллақачон италияликнинг ўрнини боса оладиган номзодлар рўйхатини тузиб қўйган, деб хабар берди "The Guardian". Контенинг четлатилиши халқаро танаффус вақтида содир бўлган тақдирда ҳам, янги мураббий 2023/2024 йилги мавсумдан бошлаб жамоани бошқаради.

"Тоттенхэм" раҳбариятига Лиссабоннинг "Спортинг" клуби амалдаги мураббийи Рубен Аморим ёқади. Бироқ "шпорлар" раҳбарияти рўйхатида Венсан Компани, Томас Тухель, Луис Энрике, Роберто Де Дзерби ва Маурисио Почеттино ҳам бор.