06 мар 10:33
Янгиликлар

Хоккей

U-18 Жаҳон чемпионати. Хоккейчиларимиз бу сафар Туркияни мағлуб этишди

Гонконгда давом этаётган хоккей бўйича U18 жаҳон чемпионатининг III дивизион “А” гуруҳида Ўзбекистон ёшлар терма жамоаси кетма-кет учинчи ғалабани қўлга киритди.

Жамоамиз кеча мусобақадаги асосий рақиблардан бири Туркия билан куч синашди. Асосий вақт 6:6 ҳисобидаги жанговар дуранг билан якунланди. Иккинчи бўлимдан кейин 6:3 ҳисобида зафар қучаётган ёшларимиз учинчи таймда ўз дарвозаларидан учта шайба ўтказиб, мувозанатнинг тикланишига сабаб бўлишди.

Овертаймда эса Салоҳиддин Азимовнинг голи жамоамизга муҳим ғалабани тақдим этди - 7:6. Азимов асосий вақтда ҳам икки шайбага муаллифлик қилганди. Исроил бироз кутилмаганда Гонконгга 4:6 ҳисобида ютқазиб қўйди.

Бугун вакилларимиз Болгария ёшларига қарши музга чиқишади. Болгарияликлар кеча Янги Зеландия хоккейчиларини 5:3 ҳисобида доғда қолдиришганди.