"У 50 ёшида ҳам чемпион бўлиши мумкин" — Пакьяонинг спарринг шериги

Пакьяо билан спарринг ўтказган Владимир унинг профессионал даражасини юқори баҳолади.

"У билан биринчи марта спарринг қилганимда жуда ҳаяжонланган эдим. Унда мен жуда кўп серияли зарбаларни ўтказиб юборганман, лекин кейинги машғулотларда унга муносиб қаршилик кўрсата олдим. Жами 3 марта 3 раунддан спарринг қилганмиз.

Пакьяо ҳақиқий профессионал. У 46 ёшдами? Бу умуман аҳамиятсиз. У ўз танасига қаттиқ эътибор беради, жуда интизомли ва масъулиятли. У 50 ёшида ҳам жаҳон чемпиони бўла олади, ёш жангчилар билан тенгма-тенг кураша олади.

Мен уни Криштиану Роналдуга қиёс қилган бўлардим. Бу ёшда ҳам юқори даражада бўлиш — бу фавқулодда ўзгача инсон эканини кўрсатади. Пакьяонинг тезлиги ҳануз юқори, у ёшлар учун катта кумир", — деди Саруханян.