Уайлдер Жошуа билан жанг қилиш учун WВC элиминатор жангидан воз кечишга тайёрми?

"Деонтей навбатдаги жангида Жошуага қарши рингга чиқишни истайди. Биз бу жангга розимиз ва Буюк Британия ёки Яқин Шарқда ташкил этишни хоҳлаймиз. Руисга қарши WBC элиминатор жанги ҳам бор, биз бу жангни ўтказамиз. Аммо, Жошуа билан жанг ташкил қилишни хоҳлагандик. Эдди Хирн август ойида мен билан боғланганини айтди. Хелениус билан жангдан олдин ҳеч ким билан алоқага чиқмаслигимизни айтган эдик. Эдди бу ҳақда билар эди, лекин у ҳали ҳам биз боғланганини айтмоқда. Энди биз келишувни муҳокама қилиб, Жошуа билан жанг ташкил қилмоқчимиз.

Диллиан Уайт Жермейн Франклинга қарши жангда яхши формада эмаслиги билинди. Нима учун Жошуа у билан жанг қилмоқчи? Биз 2017 йилдан бери Жошуа билан жанг қилишга ҳаракат қиламиз. Келинг, келишув тузамиз ва жанг қиламиз. Мухлислар бу жангни кўришни хоҳлашади" - деди Финкель.