Уайлдернинг мураббийи: "Усик Фьюрини мағлуб этса, ҳайрон бўлмайман"

Деонтей Уайлдернинг мураббийи Малик Скотт WBА, WBА ва IBF йўналишлари бўйича жаҳон чемпиони Александр Усик ва WBC чемпиони Тайсон Фьюри ўртасидаги эҳтимолий жанг ҳақида гапирди.

"Мен Фьюрини мағлуб этиш катта иш деб ўйламайман. Фикрим шуки, агар сиз Уайлдердек хавфли бўлмасангиз, Усикнинг "ўлжа"си бўласиз. Александр рингда кучли спортчиларга қарши чиқди ва уларни мағлуб этди. Албатта, Тайсон Уайлдерни енгди. Лекин у энди аввалгидек эмас. Менинг сўзларимни фақат бир киши тасдиқлайди - Жон Фьюри, унинг отаси. Фьюрининг услуби Усикга фойда келтиради. Фьюри Владимир Кличкони мағлуб этган бўлса, у кичик Фьюри эди, лекин бу янги Фьюри Александрга жуда мос тушади".

Малик Скотт Фьюри ва Усик ўртасидаги эҳтимолий жанг натижасини тахмин қилди.

"Агар Усик келаси йили мутлақ жаҳон чемпиони бўлса, ҳайрон бўлмасангиз керак. Тайсон Уайлдерни 11 раунддан сўнг мағлуб этган, қисқаси у нокаут устаси эмас. Фьюри Усикнинг зарбалари кучини тушунган ҳолда унга қандай жавоб қайтаради, мен буни билмайман. Агар Усик ғалаба қозонса, ҳайрон бўлманг. Бу мен учун деярли кутилган бўлади", - деди Скотт Boxingnewsonline нашрига берган интервьюсида.