Уч нафар шахматчимиз Нью-Делидаги нуфузли турнирда

15th Delhi International Open Grandmasters chess tournament мусобақасида мезбонлардан ташқари Россия, Украина, ЖАР, Польша, Миср, Бельгия, Шри-Ланка, Арманистон каби 20дан ортиқ давлатдан жами 251 нафар иштирокчи дона сурмоқда.

Улар қаторида 3 нафар гроссмейстеримиз – Марат Жумаев, Гулруҳбегим Тоҳиржонова ва Сарвиноз Қурбонбоевалар ҳам ўз имкониятларини синовдан ўтказишяпти. 

Кеча ўтказилган 6-тур учрашувларидан сўнг Марат Жумаев 6 имкониятдан 4,5 очко жамғариб, қўшимча коэфицентларга кўра 25-ўринни эгаллаб турибди. Ўн иккинчи поғонадаги шахматчи ҳисобида ҳам шунча очко бор. 

Қурбонбоева ва Тоҳиржонова эса 4тадан очко тўплаб, мос равишда 40 ҳамда 48-ўринларни банд этишган.

Кеча Гулруҳбегим мусобақанинг иккинчи тартиб рақамли иштирокчиси ҳиндистонлик Лалит Бабу билан дуранг ўйнашга муваффақ бўлди.