04 июн 12:13
Янгиликлар

Футбол

УEФА ЕЧЛ янги мавсумида “Барселона“ни очколардан маҳрум қилиши мумкин

“Барселона” футбол клуби молиявий қоидаларни бузгани учун кейинги Еврокубок мавсумида Европа футбол ассоциациялари иттифоқи (УEФА) томонидан санкцияларга дуч келиши мумкин.

Бу ҳақда Тhe Times нашри хабар берди. Манба берган хабарга кўра, Каталония клуби Европа футбол регламенти меъёрларини бузишда давом этмоқда. Яъни, номоддий активларни сотишдан тушган даромадларни нотўғри ҳисоб-китоб қилган ҳолда каталонияликлар трансфер имкониятларини оширишга ҳаракат қилишмоқда.

2024 йилнинг кузида “Барселона” бундай қоидабузарликлар учун 500 минг евро жаримага тортилганди. Клуб бу қарор устидан Спорт арбитраж судига (CАС) шикоят қилганди, бироқ апелляция рад этилган.

Молиявий фейр-плей қоидаларини қайта-қайта бузган тақдирда, «Барселона» 2025/2026 йилги мавсумда Чемпионлар лигасининг умумий босқичида бир неча очко билан жаримага тортилиши, шунингдек, янги футболчиларни рўйхатдан ўтказа олмаслиги мумкин.