UFC 310 турнирини безаб берадиган жанг - Шавкат Раҳмонов vs Камару Усман!

АҚШнинг Невада штати Лас-Вегас шаҳрида ўтказиладиган ушбу турнирга бир ойдан камроқ вақт қолган бўлса-да, UFC босслари бу жангни амалга оширишнинг имкони бор дейишяпти. Гап рақибсиз қолган Шавкат Раҳмонов ҳамда вазннинг собиқ чемпиони Камару Усман жанги ҳақида кетмоқда. 

Айнан шу тўқнашув 7 декабрь кунги 2024 йилнинг сўнгги рақамланган турнири - UFC 310 оқшомининг марказий жанги бўлади. Аслида шу куни қозоғистонлик аралаш яккакураш устаси яримўрта вазнда UFC чемпиони Белал Муҳаммадга қарши октагонга чиқиши керак эди. Амалдаги амалдаги чемпион оёғидаги инфекция сабаб сафдан чиққанди. 

Таққослаш учун, айни пайтда "Нигериялик даҳшат" яримўрта вазн UFC рейтингида иккинчи, "Номад" эса учинчи ўринни эгаллаб турибди. Жанг ғолиби вақтинчалик UFC чемпионлик камарини қўлга киритади. Усман сўнгги жангини ўтган йилнинг октябрь ойида Хамзат Чимаевга қарши ўтказиб, очколар ҳисобига кўра ютқазганди.