UFC Fight Night 222 турнирининг марказий жанги маълум бўлди

"Манбаларга кўра, UFC Макс Холлоуэй - Арнольд Аллен жанги бўйича музокараларни якунлади. 16 апрель куни UFC Fight Night турнирининг марказий жанги Холлоуэй ва Аллен ўртасида бўлиб ўтади", - деб ёзади журналист Бретт Окамото ижтимоий тармоқларда.

Эслатиб ўтамиз, Макс Холлоуэй 2022 йилнинг ёзида Алекс Волкановскийга очколар ҳисобида мағлуб бўлган эди. Арнольд эса UFC'да 10 та ғалабали серияга эга.