UFC Fight Night 227. Шевченко - Грассо жанги ҳакамлари ҳужжатидан кўчирма + ФОТО

UFC Fight Night 227 турнирининг марказий жанги аёллар енгил вазн (57 килограммгача) тоифаси вакилалари - амалдаги чемпион, мексикалик Алекса Грассо (16-3) ҳамда ушбу камарнинг собиқ соҳибаси, қирғизистонлик Валентина Шевченко (22-4) ўртасида бўлиб ўтди. Реванш мақомидаги муросасиз чемпионлик жанги тўлиқ беш раунд давом этди ва якунда 48:47, 47:48, 47:47 ҳисобидаги дуранг натижа қайд этилди. 

Шу тариқа, Алекса Грассо чемпионлик камарини ўзида сақлаб қолди. Интернетда бугунги таниқли рефери Херб Дин бошқарган чемпионлик жангининг ҳакамлар ҳужжати пайдо бўлди. "T-Mobile Arena"да кечган жанг ҳакамларидан Сал Д`Амато ғалабани Шевченкога, Юничиро Камижо Грассога тақдим этди. Майк Белл эса жанг дуранг натижа билан якунланди деб ҳисоблади.