UFC Fight Night 286 турнирининг барча натижалари: Ўнта финишли жанг, Нурмагомедовда нокаут

Оқшомнинг марказий жангида хитойлик Сонг Ядонг кутилмаганда россиялик Умар Нурмагомедовни муддатидан олдин мағлуб этиб, енгил вазн тоифасида чемпионлик камари учун даъвогарлик қилиш имкониятини жиддий равишда ошириб олди.

Турнирнинг асосий воқеаси бўлган жанг иккинчи раунднинг 1-дақиқаси 48-сониясида якунланди. Сонг пастга эгилган рақибини ўнг қўл зарбаси билан тутиб олди ва кетма-кет зарбалар (ҳаммерфист) билан жангни якунига етказди.

Россиялик жангчи учун бу фаолиятидаги иккинчи мағлубият ва илк муддатидан олдинги финиш бўлди. Хитой вакили эса жорий йил бошида Шон О`Мэллига ютқазганидан сўнг, кетма-кет иккинчи муддатидан олдинги ғалабасини қўлга киритди.

Кечанинг иккинчи муҳим жангида UFC чемпионлик камари учун собиқ даъвогар хитойлик Сяонан Ян бразилиялик Дениз Гомесга нокаут билан ютқазиб, кетма-кет иккинчи мағлубиятини қабул қилиб олди. Биринчи раунд охирида Гомес хитойлик рақибасини ўнг тирсак зарбаси билан кутиб олди ва иккита ён зарба билан жангни якунлади.

Бошқа натижалар қаторида Кай Асакура, Тсе Лю, Билал Ҳасан, Андре Лима, Ри Тсуруи, Франческо Нутстси, Эктор Сантяго ва Жулия Поластрининг муддатидан олдинги ғалабаларини алоҳида таъкидлаш жоиз.

UFC Fight Night 286 турнирининг барча натижалари:

Асосий кард жанглари

Сонг Ядонг Умар Нурмагомедовни нокаутга (зарбалар) учратди – 2-раунд, 1:48

Дениз Гомес рақибаси Сяонань Янни нокаут (зарбалар) қилди – 1-раунд, 4:49

Кай Асакура Киленга Аорини техник нокаут (бошга оёқда зарба) эвазига енгди – 2-раунд, 0:34

Су Мудаержи Алекс Перезни ҳакамларнинг якдил қарори билан таслим этди (29-28, 29-28, 29-28)

Цэ Лю Леви Родригесни нокаут (зарба) билан ютди – 1-раунд, 4:26

Билал Хасан Нильсон Рохасни нокаут эвазига (зарба) мағлубиятга учратди – 2-раунд, 2:28

Прелим кард жанглари

Андре Лима Намсрай Батбаярни сабмишн (гильотина) қилди – 3-раунд, 3:03

Ри Цуруя Кевин Борхасни сабмишн (ортдан бўғиш) эвазига таслим этди – 1-раунд, 4:14

Шон Вудсон Жек Женкинсни ҳакамларнинг айри қарори билан (28-29, 29-28, 29-28) ютди

Франческо Нуцци Сяо Лунни техник нокаутга (зарбалар) учратди – 1-раунд, 1:00

Эктор Сантьяго Лоуренс Луини нокаут (зарбалар) эвазига енгди – 2-раунд, 0:53

Жулия Поластри рақибаси Цзиннань Сьонни нокаут (бошга оёқ билан зарба) қилди – 1-раунд, 3:06

Кэм Нельсон Менг Дингни очколар ҳисобига кўра (29-28, 29-28, 29-28) мағлуб этди