13 июл 09:21
Янгиликлар

Бокс/ММА

UFC on ESPN 70 турнирининг асосий жанги 38 сония давом этди

Ҳозиргина АҚШнинг Нэшвилл шаҳрида навбатдаги UFC турнири якунига етди.

UFC on ESPN 70 оқшомининг асосий жанги оғир вазн тоифасида ўтказилиб, унда камар учун собиқ даъвогар америкалик Деррик Льюис бразилиялик Таллисон Тейшейрага қарши октагонга кўтарилди.

Жанг 38-сониядаёқ тўхтатилди. Тажрибали Льюис рақибини техник нокаутга учратди. Аслида биринчи жиддий зарбани Таллисон берганди. Аммо Деррик жавоби жиддий бўлди. Лекин аренага йиғилган мухлислар ҳамда Тейшеранинг мураббийлари жангнинг эрта тўхтатилишига норозилик билдиришди. Рефери эса қарорини ўзгартирмади.

Шу тариқа, Деррик Льюис фаолиятидаги 29-ғалабасини қўлга киритди. Ҳисобидаги мағлубиятлари сони 12 талигича қолди. Унинг иштирокидаги битта жанг натижасиз бўлган. Тейшера эса бугун ММАдаги илк мағлубиятини қабул қилиб олди. Ҳисобида 6 та ғалаба бор.