UFC Париж турнирининг асосий кардидан ўрин олган жанг бекор қилинди

Франциялик енгил вазн тоифаси вакили Фарес Зиам иштирокидаги жанг UFC Париж турнирининг асосий кардини очиб бериши керак эди. Аммо Зиам бувиси вафот этгани боис бразилиялик рақиби Кауи Фернандесга қарши октагонга чиқмайдиган бўлди. 

"Бувимнинг вафоти ҳамда унинг дафн маросими ташкилий масалалари сабаб 6 сентябрь кунги жангдан воз кечишим мажбур бўлдим. Оила мен учун биринчи ўринда. Мени ўрнимда бошқа одам бўлганида ҳам шундай йўл тутарди", – дея ўзининг ижтимоий тармоқдаги саҳифасида хабар қолдирган Зиам. 

Ҳозирда промоушен расмийлари бу ҳолат бўйича баёнот беришмади. Шу боисдан, Фернандесга янги рақиб бериладими ёки жангнинг ўзи бошқа турнирга кўчириладими, бу ҳақда аниқ маълумот йўқ. Фарес Зиам UFC октагонида кетма-кет 5 та, Кауи Фернандес эса 2 та жангда ғалаба қозонган.