05 май 12:20
Янгиликлар

Бокс/ММА

UFC президенти Усман ва Чимаев ўртасидаги эҳтимолий жанг шартларини очиқлади

UFC президенти Дана Уайт Камару Усман ва Хамзат Чимаев ўртасида жанг ўтказиладими деган саволга жавоб қайтарди.

Уайтнинг сўзларига қараганда, нигериялик асли келиб чиқиши чеченистонлик бўлган Хамзат билан оралиқдаги вазн тоифасида жанг ўтказишни таклиф қилган.

"Менга айнан шу таклиф маъқул келмади. Мен оралиқ вазн тоифаларида жанг ташкил этишни ёмон кўраман. Агар Усман ўрта вазнга кўтарилса, биз учунга бажонидил Хамзат билан жанг ташкил қилиб берамиз. Бошқа ҳар қандай ҳолат менга қизиқ эмас. Фақат шу ҳолатдагина уларнинг жанги ўтказилади", - дея Дана Уайтнинг сўзларини келтиради MMA Fighting.

Эслатиб ўтамиз, Хамзат Чимаев навбатдаги жангини ўрта вазн тоифасида UFC камарига собиқ даъвогар Пауло Костага қарши ўтказиши керак. Ушбу жанг катта эҳтимол билан 21 октябрь куни Абу-Дабидаги UFC 294 турнири доирасида ташкил этилади.