UFC. Уланбековнинг америкалик Нэм билан жанги бекор қилинди

Мазкур тўқнашув 19 июндан 20 июнга ўтар кечаси бўлиб ўтиши керак эди. Уланбеков соғлиғидаги муаммолар ҳақида хабар берди.

"Сизга шуни маълум қилмоқчиманки, учинчи марта соғлиғимдаги муаммолар туфайли жангга чиқа олмайман. Мен яхши формада эдим, қаттиқ тайёрландим, аммо оғир шаклда давом этган гайморитга чалиндим ва бу мени машғулотлардан бутунлай чиқариб юборди.

Бир ҳафта давомида антибиотиклар қабул қилишимимга тўғри келди, энди мен аста-секин тикланаяпман!

Умид қиламанки, бу йил мен октогонга чиқиб, сизни хурсанд қиламан!" - деб ёзди Уланбеков ўзининг Инстаграм саҳифасида.