UFC ва Bellator камарларига собиқ даъвогар Конорнинг лигасида дебют қилади

Бу ҳақда кубалик аралаш яккакураш устасининг ўзи ижтимоий тармоқдаги саҳифасида хабар берди.

"Ўзига хос совға тайёрлаяпман. Хабарингиз бор, мен боксчилар оиласиданман. Спортдаги фаолиятимдаги ягона орзум қолди – бокс рингида жанг қилиш. Лекин бу сафар қўлқопсиз бокс жангида ўзимни синаб кўраман. Тез орада нимадир бўлади", - деди Ромеро.  

Бу маълумотни BKFC промоушени эгаларидан бири Конор Макгрегор ҳам тасдиқлади.

"Яратганнинг аскари!", - дея бу хабарга муносабатини билдирди Конор. 

Маълумот учун, Йоэль Ромеро 2021 йилда UFC промоушенидан Bellator лигасига кўчиб ўтганди. У бу лигада 4 та жанг ўтказди. Сўнгги жангида чемпион Вадим Немковга очколар ҳисобига кўра имкониятни бой бериб қўйган. Шу йилнинг февраль ойида кубалик 47 ёшли Йоэль Ар-Риёд шаҳрида ташкил этилган PFL ва Bellator промоушенларининг қўшма турнирида Тиаго Сантосни ҳакамларнинг якдил қарори билан таслим этган эди.