UFC Vegas 96 иштирокчилари тарозига чиқишди

UFC Vegas 96 иштирокчилари анъанага кўра жанг олдидан расмий тарозидан ўтиш маросимида ҳозир бўлишди. Оқшомнинг марказий жанги ўрта вазн тоифасида ўтказилади ва унда рейтингнинг 5-поғонасидан жой олган Жаред Каннонье 12-ўринни эгаллаб турган бразилиялик Кайо Борральога қарши октагонга чиқади. Ҳар икки жангчи ҳам белгиланган вазн меъёрини бажаришди. Жаред 83,46, Кайо эса 84,37 кг тош босди. 

Ёдингизда бўлса, Кайо Борральо ҳамюртимиз Маҳмуд Мурадовни Абу-Дабида ўтган жангда очколар ҳисобига кўра мағлубиятга учратган эди. Эртанги турнирда октагонга чиқадиган яна бир жангчи Жеральд Мершерт ҳам 2021 йилнинг 29 август куни Лас-Вегасда ўтган UFC Vegas 35 турнирида Мурадовни бўғиб қўйганди.

UFC Vegas 96 тарози натижалари:

Жаред Каннонье (83,46 кг) — Кайо Борральо (84,37 кг)

Анжела Хилл (52,39 кг) — Табата Риччи (52,16 кг)

Райан Лодер (84,37 кг) — Роб Валентин (83,91 кг)

Каан Офли (65,77 кг) — Майрон Сантос (66,22 кг)

Нил Магни (77,11 кг) — Майкл Моралес (77,56 кг)

Жеральд Миршерт (83,91 кг) — Эдмен Шахбазян (83,69 кг)

Дэннис Бузукья (70,53 кг) — Фрэнсис Маршалл (70,76 кг)

Хосе Медина (84,37 кг) — Закари Риз (83,69 кг)

Вячеслав Боршёв (70,53 кг) — Хамес Льонтоп (70,08 кг)

Жаклин Кавальканти (61,23 кг) — Жозиан Нунес (61,69 кг)

Жигимантас Рамашка (66,22 кг) — Натан Флетчер (66 кг)

Ванг Конг (56,7 кг) — Виктория Леонардо (56,7 кг)