UFC Хьюстон турнири карди учун реванш мақомидаги жанг қўшилди

Ташкилотчилар томонидан ушбу оқшомнинг яна бир қизиқарли кечиши кутилётган жанги эълон қилинди. Ярим ўрта вазн тоифаси вакиллари Кевин Холланд ва Жефф Нил ўзаро октагонда тўқнаш келишади. Ушбу жанг реванш мақомида бўлади. 

Америкаликларнинг ўзаро биринчи жанги 2017 йилнинг январида ХКО минтақавий лигаси байроғи остида бўлиб ўтган ва учинчи раундда техник нокаут эвазига Холланднинг ғалабаси билан якунланган эди.

Жефф Нил сўнгги тўртта жангининг учтасида мағлубият аламини тотиб кўрди. Охирги жангининг биринчи раундидаёқ Карлос Пратесга нокаут билан ютқазиб қўйди. Кевин Холланд ҳам Жеффдан қолишмайди. У ҳакамларнинг якдил қарори билан Даниэл Родригес ва Майк Малоттга имкониятни бой берди.

Айни пайтда UFC’нинг ярим ўрта вазн тоифаси рейтингида Жефф Нил ўн тўртинчи ўринни эгаллаб турибди. Кевин Холланд эса дивизионнинг Топ-15 жангчилари қаторига кирмайди.