08 окт 07:59
Янгиликлар

Теннис

Уимблдон-2019 кашфиёти Линц турнири саралашидаёқ мағлуб бўлди

Америкалик 15 ёшли теннисчи Кори Гофф Австриянинг Линц шаҳрида ўтказилаётган турнирнинг асосий тўрига чиқа олмади.

Гофф саралашнинг финал учрашувида германиялик Тамара Корпачга қарши кортга чиқди ва 1 соату 13 дақиқа давом этган баҳсда рақибасига 4/6, 2/6 ҳисобида ютқазиб қўйди.

Таққослаш учун, Кори дунё рейтингида 110, 24 ёшли Тамара эса 130-ўринни эгаллаб турибди. Бу теннисчиларнинг ўзаро илк учрашуви эди. Корпач Upper Austria Ladies Linz турнирининг биринчи даврасида латвиялик Елена Остапенкога қарши кортга чиқади.