22 май 17:04
Янгиликлар

Теннис

"Уимблдон"да қатнашадиган теннисчилар рўйхати маълум: унда ўзбекистонлик теннисчилар ҳам бор

"Уимблдон" турнири ташкилотчилари 1-14 июль кунлари ўтказиладиган мусобақада қатнашувчи теннисчилар рўйхатини маълум қилди.

Эркаклар ўртасидаги рўйхатда ҳамюртимиз Денис Истомин саралаш босқичида қатнашувчи теннисчилар рўйхатида биринчи бўлиб турибди. Агар юқоридаги 104 нафар теннисчидан бири қандайдир сабаб билан мусобақада қатнаша олмайдиган бўлса, Истомин автоматик равишда асосий даврада иштирок этиши мумкин. Акс ҳолда, ҳамюртимиз саралаш босқичидан мусобақани бошлайди.

Аёллар ўртасидаги беллашувларда Сабина Шарипова саралаш босқичида қатнашувчи теннисчилар рўйхатида 71-ўринда қайд этилган. У ҳам мусобақани саралаш босқичидан бошлайди.