Уиттакер Махачев – Маддалена жангида австралияликни фаворит ҳисобламоқда

"Мен Жекнинг ғалабасига тикаман. Менимча, унда партерга ўтишларга, Ислам қўллайдиган ҳужумларга қарши туриш учун зарур бўлган ўзига хослик, жасорат, матонат, қатъият бор. Тик ҳолатдаги жангда ҳам Жек кучлироқ деб ҳисоблайман. Фикримча, Жек Исламга қараганда беш раундлик жангга яхшироқ тайёрланган, айниқса, агар у партерга ўтишга ҳаракат қилса. Кўпчилик Делланинг кураши ва жиу-житсусига етарлича баҳо бермайди. Ўйлайманки, Ислам ҳамма кутганидек жангни партерга ўтказишга жон-жаҳди билан ҳаракат қилмайди, чунки Жек партер ҳолатидан ҳам ҳужум қилишнинг ажойиб кўникмаларига эга. Улардан бирортаси бирон-бир жабҳада устунликка эга деб ўйламайман. Лекин Маддаленанинг йўқотадиган нарсаси йўқ, Махачев эса таваккал қилишга мажбур бўлади", - деди Уиттакер. 

Эслатиб ўтамиз, Ислам Махачев - Жек Делла Маддалена жанги 15 ноябрь куни Нью-Йорк шаҳрида ташкил этиладиган UFC 322 турнири доирасида австралияликка тегишли яримўрта вазн тоифасидаги UFC чемпионлик камари учун бўлиб ўтади.