23 июл 10:47
Янгиликлар

Бокс/ММА

Украина спорти афсоналари Шевченко ва Усик учрашишди + ФОТО

Украина футбол ассоциацияси президенти, мамлакат футболи афсонаси Андрей Шевченко супероғир вазнда мутлақ жаҳон чемпиони ватандоши Александр Усик билан учрашди.

Мағлубият ва муроса нималигини билмай келаётган 38 ёшли Усик 20 июль куни Лондондаги "Уэмбли" стадионида британиялик Даниэль Дюбуани бешинчи раундда нокаутга учратиб, фаолиятида учинчи бор мутлақ жаҳон чемпионига айланган эди.

"Эски қадрдон дўстимни шунчаки табриклагани кирдим. Дюбуа устидан қозонилган ғалаба билан қутлайман, чемпион!" — дея ўзининг ижтимоий тармоқдаги саҳифасига сурат жойлаб, унинг остида изоҳ қолдирган "Олтин тўп" соҳиби Шевченко.