30 июл 16:22
Янгиликлар

Бокс/ММА

"Улардан кўп нарсани ўргандим" Хабиб Нурмагомедовдан янги пост + ФОТО

Хабиб Нурмагомедов инстаграм саҳифасига икки вазн тоифасида собиқ UFC чемпиони Даниэль Кормье ва таниқли мураббий Хавьер Мендес билан тушган сурати жойлаштирди.

"Бу йигитлар менга қилган яхшиликлар учун улардан миннатдор эканлигимни ва уларни қанчалик яхши кўришимни билишса эди. Мен улардан кўп нарса ўргандим", — деди Нурмагомедов инстаграм саҳифасида.

Эслатиб ўтамиз, Нурмагомедов фаолиятидаги сўнгги жангини 2020 йил октябрь ойида ўтказганди. Ўшанда UFC 254 турнирида Жастин Гэтжини иккинчи раундда мағлуб этган эди. Жангдан сўнг россиялик ўз фаолиятини тугатишга қарор қилганини айтганди.

Хабиб ММАʼда 29 та жангда 29 та, шу жумладан UFCда 13 та жангда 13 та ғалабага эришган.