15 окт 14:32
Янгиликлар

Бокс/ММА

"Уларнинг пешонасидан дарча очиб қўяман. Гарри — Делла Маддалена ва Махачев ҳақида

Ярим ўрта вазн (77 кг гача) UFC рейтингида олтинчи ўринни эгаллаб турган ирландиялик Иан Гарри 22 ноябрь куни Доҳа шаҳри мезбонлик қиладиган UFC Fight Night 264 турнирида собиқ чемпион Белал Муҳаммад билан бўлиб ўтадиган жанг ҳақида гапирди.

"Белал Муҳаммадни ўлдирмоқчиман. Бу жангдаги асосий мақсадим шу. Октагонга чиқаман ва сайёрамизнинг ярим ўрта вазн тоифасидаги энг кучли инсони эканлигим ҳақидаги фактни амалда исботламоқчиман. Ким бу камарни қўлга киритадиган бўлса ҳам, Жек Делла Маддаленами ёки Ислам Махачев, менга фарқи йўқ. Ахир мен уларнинг иккаласи билан ҳам жанг қилмоқчиман... Уларнинг пешонасидан дарча очиб қўяман. Бу сайёрада ҳеч ким менга бу камарни олишим учун халақит бермайди.

UFC’нинг барча мухлисларига микрофон орқали: "Мен келажакман, мен буни исботлашга яқинман деб айтаман", деди Гарри журналист Ариэл Хельванининг YouTube каналидаги шоусида.