17 ноя 09:02
Янгиликлар

Таэквондо

Улуғбек Рашитов жаҳон чемпионатида жанг қилди

Мексиканинг Гваделахара шаҳрида таэквондо WT бўйича жаҳон чемпионати давом этмоқда.

Кеча мусобақа доирасида эркаклар ўртасида -68 кг вазн тоифасида баҳслар ўтказилди ва унда Токио Олимпиадаси чемпиони Улуғбек Рашитов юртимиз шарафини ҳимоя қилди.

Улуғбек Мусобақадаги илк жангида Пуэро-Рико вакили Адриан Бенитезни икки раундда ҳам йирик ҳисобларда мағлуб этди ва чорак финалга йўл олди (2:0). Чорак финалда эса озарбайжонлик Жавад Агаевга қарши даянга чиқди ва афсуски 1:2 ҳисобида имкониятни бой бериб қўйди.

Шу тариқа, Улуғбек ЖЧни медалсиз якунланди.

Аёллар ўртасида мусобақада иштирок этган Зарнигор Ҳусниддинова (-49 кг) ҳам афсуски кунни медалсиз тугатди.

Эслатиб ўтамиз, бунгача жаҳон чемпионати доирасида Никита Рафалович ҳамда Феруза Содиқова бронза медалини қўлга киритганди.