Умар Нурмагомедов: UFC чемпионлиги ёки Двалишвили билан реванш? Мен кўпроқ қасос олмоқчиман

Умарнинг сўзларига кўра, у мукаммал лаҳзани кутмоқчи эмас ва январь ёки февраль ойларида - Рамазон ойи бошланишидан олдин октагонга қайтишни режалаштирмоқда. Шу билан бирга у UFC таклиф қилган ҳар қандай рақиб билан жанг қилишга тайёр.

"Камар ёки Двалишвили билан реваншдан бирини танлашга тўғри келса, эҳтимол, янада кўпроқ қасос олишни истайман. Кўрамиз, балки Мераб Ян билан жангдан кейин танаффус қилар - ахир бу унинг бир йил ичидаги тўртинчи жанги. Аммо мен январь ёки февралда жанг қилишни хоҳлайман, ҳеч кимни кутишни истамайман. Ҳаммаси UFC қарорига боғлиқ бўлади", - дея Нурмагомедовнинг сўзларини келтиради MMAJunkie.

Аввалроқ, Двалишвили агар улар яна октагонда учрашса, Нурмагомедовни "йўқ қилишини" айтганди. Уларнинг жанги UFC 311 турнири доирасида бўлиб ўтган ва унда Умар Нурмагомедов ҳакамларнинг якдил қарори билан очколар ҳисобига кўра ютқазган эди.