17 окт 07:26
Янгиликлар

Қиличбозлик

“Умид” мусобақасида энг кучли рапирачилар аниқланди

Пойтахтимизда қиличбозлик бўйича “Умид” соврини учун ёшлар ўртасида Республика очиқ турнири давом этмоқда.

Регламентга кўра, кеча рапира қуролида яккалик баҳслари ўтказилди. Қўшни Қозоғистон жамоаси вакиллари ҳам қатнашаётган турнирнинг кечаги кунида ҳамюртларимизнинг қўли баланд келди.

Қизлар ўртасида Камола Азимова ғалаба қозонган бўлса, йигитлар ўртасида 16 ёшли Бахтиёр Собиржонов барча рақибларини мағлуб этишнинг уддасидан чиқди. Бугун ушбу қурол бўйича жамоавий йўналишда ғолиб ва совриндорлар аниқлаб олинади.