Умиджон ва Рушана Туркистонда чемпион бўлишди + ФОТО

Генерал-майор Собир Раҳимов хотирасига бағишлаб ўн олтинчи бор ташкил этилаётган ушбу мусобақада мезбонлардан ташқари Ўзбекистон, Тожикистон, Қирғизистон ҳамда Россия давлатидан келган 2002-2004 йилларда таваллуд топган эркин курашчилар гиламга чиқмоқда. 

Қувонарлиси, ҳамюртларимиз халқаро турнирнинг илк куни учта медални қўлга киритишди 65 кг вазн тоифасида юртимиз шарафини ҳимоя қилган Ўсмирлар Олимпиадаси ғолиби, ёшлар ўртасида жаҳон ва Осиё чемпиони Умиджон Жалолов олтин медалга эга чиқди. Шу вазнда қатнашган яна бир курашчимиз Зафарбек Атаханов эса бронза медалига сазовор бўлди. 

Қизлар ўртасидаги беллашувларда ҳам курашчимиз ғалабасига Ўзбекистон мадҳияси янгради. Навоий вилояти вакиласи Рушана Абдурасулова 59 кг вазн тоифасида мусобақа ғолибасига айланди. Бугун Севара Ризаева (53 кг) ва Севинч Султонова (62 кг) медаллар учун курашмоқда. Халқаро турнирда реферимиз Тўймурод Адизов ҳакамлик қиляпти.