19 июл 23:21
Янгиликлар

Таэквондо

Универсиада-2025. Делегациямиз ҳисобида навбатдаги медаль!

Германияда давом этаётган нуфузли комплекс турнирида яна бир медални қўлга киритдик.

Таэквондо терма жамоамизнинг аёллар ўртасида 57 кг вазн тоифасидаги вакиласи Мадина Мирабзалова мусобақанинг ярим финал босқичида бразилиялик рақибасига имкониятни бой бериб қўйганига қарамай, бронза медалига эга чиқди. Бу делегациямиз ҳисобидаги илк учинчи натижа саналади.

Аёллар, 57 кг:

1. Мария Клара Лима Пачеко (Бразилия)

2. Чайма Тоуми (Тунис)

3. Мадина Мирабзалова (Ўзбекистон)

3. Никол Лисовска (Польша).

Эртага яна икки талаба-таэквондочиларимиз — Шамсиддин Қурбонов ва Дилноза Тангирова баҳсларга киришади.

Ҳозирда Ўзбекистон делегацияси ҳисобида 2 та олтин, 3 та кумуш ва 1 та бронза медали бор.