08 сен 07:19
Янгиликлар
Теннис
US Open. Аёллар мусобақасининг финалида кутилмаган натижа қайд этилди
АҚШнинг Нью-Йорк шаҳрида ўтказилаётган "Катта Дубулға" туркумига кирувчи US Open турнири ўз якуни сари яқинлашмоқда.
Мусобақанинг аёллар ўртасидаги баҳсларида ғолиба аниқланди. Ҳал қилувчи финал учрашувида канадалик 19 ёшли Бьянка Андрееску ўзидан анча тажрибали ҳисобланган рақибаси, америкалик Серена Уильямсга қарши баҳс олиб борди.
Бир соату 39 дақиқа давом этган финал учрашувида сайёрамизнинг 15-рақамли теннисчиси номдор Серенани 6:3, 7:5 ҳисобида мағлуб этишнинг уддасидан чиқди.
“US Open”даги ғалаба Бьянкага 3 миллион 850 000 доллар миқдоридаги пул мукофоти ҳамда 2000 рейтинг очкосини тақдим этди. Андрееску учун бу "Катта Дубулға" мусобақаларидаги биринчи соврин ҳисобланади.
Ҳавола :
Манба : olamsport.com
Фикрлар