US Open микст баҳсларининг бош соврини Италияга кетади

Италиялик теннисчилар Сара Эррани ва Андреа Вавассори микстда US Open бош совринини қўлга киритишди. Улар ҳал қилувчи финал учрашувида америкаликлар Тэйлор Таунсенд ва Дональд Янгни 7/6(0), 7/5 ҳисобида мағлуб этишди.

Саксон саккиз дақиқа давом этган учрашувда Эррани/Вавассори 4, Таунсенд/Янг эса 3 та эйс зарбасини амалга оширган. Эррани ва Вавассори фаолиятларида илк бор "Катта Дубулға" турнирининг аралаш жуфтлик баҳсларида чемпион бўлишди. Сара аёллар жуфтлик турнирларида беш бор бош совринга эга чиққан. Эррани ва Таунсенд 200,000, Таунсенд ҳамда Янг 100,000 АҚШ доллари миқдорида мукофот пулини қўлга киритишди.