US Open. Рублёв Гаэль Монфисни мусобақадан чиқариб юборди

Дунёнинг саккизинчи ракеткаси Андрей Рублёв ушбу босқичдан ҳам муваффақиятли ўтиб олди. Россиялик теннисчи ATP рейтингида 162-поғонада бораётган франциялик Гаэль Монфисни тўрт сет натижасига кўра мағлубиятга учратди - 6/4, 6/3, 3/6, 6/1. 

Рублёв теннисчиларнинг ўзаро учрашувларида ҳисобда олдинга чиқди - 2:1. Икки соату 23 дақиқа давом этган баҳсда Андрей 3, Гаэль 8 та эйс зарбани амалга оширган. Қўшхатолар Монфисда жуда кўп бўлди - 13 га 2. Энди Рублёв 1/16 финалда яна бир француз теннисчиси Артур Риндеркнехга қарши кортга чиқади.