Усик — Дюбуа тўқнашуви учун 90 000 та чипта сотилди

Бу ҳақда промоутер Фрэнк Уоррен маълум қилди.

"Биз 90 000 дан ортиқ чипта сотдик. Менимча, стадиондаги барча жойлар шанба кунигача сотилиб кетади, чунки Буюк Британияда ҳамма Александр Усик ким эканлигини билади. У ҳар бир британиялик боксчини мағлуб этган, шунинг учун ҳам жуда машҳур. Даниэлни мағлуб этди, гарчи бу жанг натижаси баҳсли бўлса ҳам. Аммо Дюбуа ўшандан бери муваффақиятли серияга эга — кучли рақиблар устидан учта ажойиб ғалаба. Даниэлнинг сўнгги жанги "Уэмбли"да 96 000 томошабин кўз ўнгида бўлиб ўтган, ўшанда у британиялик мухлисларнинг севимли боксчиси Энтони Жошуани нокаутга учратган. У ҳали ёш, эндигина 27 ёшда, бу унинг фаолиятидаги жуда муҳим лаҳза. Агар у Усикни мағлуб этса, "Уэмбли"да доимий боксчи бўлади", дейди Уоррен.

Жанг 19 июль куни бўлиб ўтади.