Усик-Жошуа. Яқин орада реванш манзили аниқ бўлади

Оғир вазн тоифасида WBA, WBO, IBF ва IBO камарлари эгаси Александр Усикнинг промоутери Александр Красюк мижозининг Энтони Жошуа билан реванш жангига тайёргарликлар бошлаб юборилганлиги ҳақида гапирди.

"Биз Жошуанинг промоутери Эдди Хирн билан тез орада учрашишни режалаштирмоқдамиз. Мақсад реваншни ўтказиш устидаги ишларни тезроқ бошлаб олиш. Жангни ўтказиш учун учта жойни кўздан кечирмоқдамиз. Булар Буюк Британия, Украина ва яқин шарқ мамлакатларидан бири. Ўйлайманки, 2021 йилнинг охирига қадар бир қарорга келамиз. Реванш бизни умуман безовта қилаётгани йўқ. Шартнома имзоланишидан олдин айнан реванш ҳақидаги пунктни яхши ўрганиб чиққанмиз. Ҳаммаси режа бўйича кетмоқда. Биринчи жанг каби, иккинчисига ҳам бор эътиборимизни қаратамиз", - дейди Александр Красюк.