18 янв 17:51
Янгиликлар

Бокс/ММА

Усик қайси афсонавий боксчи билан жанг қилишни хоҳлашини айтди. Бу на Тайсон ва на Али!

Супероғир вазнда WBA, WBC, IBF ва IBO камарларининг мағлубиятсиз соҳиби Александр Усик шу мазмунда берилган саволга жавоб берди.

Украиналик 39 ёшли чемпион супероғир вазн тоифасида собиқ мутлақ жаҳон чемпиони, Халқаро бокс шон-шуҳрат зали аъзоси, британиялик Леннокс Льюис билан жанг ўтказишни исташини маълум қилди.

— Агар ўтмиш афсоналаридан бири билан жанг қилиш имконияти бўлганида, кимни танлаган бўлардингиз?

— Мен Леннокс Льюисни танлаган бўлардим, - дея Усикнинг сўзларини келтиради Ready to Fight портали.

Эслатиб ўтамиз, ўтган йилнинг 20 июль куни Лондондаги (Буюк Британия) "Уэмбли" стадионида бўлиб ўтган сўнгги жангда Усик британиялик Даниэль Дюбуани бешинчи раундда нокаутга учратган эди.