19 янв 15:53
Янгиликлар

Бокс/ММА

Усик Тайсон Фьюри билан трилогия ҳақида гапирди

Супероғир вазнда WBA, WBC, IBF ва IBO камарлари соҳиби Александр Усик британиялик собиқ жаҳон чемпиони Тайсон Фьюри билан учинчи жанг ҳақида берилган саволга жавоб қайтарди.

— Тайсон Фьюри, сен бир неча бор башорат қилганингдек, қайтмоқда. У билан трилогия тарихини ёзишга қизиқасанми?

— Нега энди йўқ, фақат бу яна "мутлақ" чемпионлик учун жанг бўлса. Қолган ҳолатда билмадим, - дея Усикнинг сўзларини келтиради Ready to Fight нашри.

Эслатиб ўтамиз, Тайсон Фьюри ва Александр Усик ўртасидаги биринчи жанг 2024 йил 19 май куни Саудия Арабистонида бўлиб ўтганди. Ўшанда Усик ҳакамларнинг айри қарори билан ғалаба қозонганди. Улар ўртасидаги реванш жанги ўша йилнинг 22 декабрида бўлиб ўтди ва Усик бу сафар ҳакамларнинг якдил қарори эвазига зафар қучди.