Усик Верхувенга қарши бокс жанги анонсига муносабат билдирди

"Ўз спортида энг юқори чўққиларга чиққан инсонларни чин дилдан ҳурмат қиламан. Рико — шулардан бири, у кучли спортчи ва буюк чемпион. Чемпионлик — фақат камар эмас, балки йиллар давомидаги меҳнат, интизом ва ўзингга ишонч. Мен унинг йўлини ҳурмат қиламан — у кикбоксингнинг ҳақиқий қироли. Аммо бу бокс — бошқа ўйин, ўз қоидалари ва ўз қироллари бор. Мен тайёрман ва у билан рингда учрашишни сабрсизлик билан кутяпман. Бу иккимиз учун ҳам ноёб тажриба бўлади, мухлислар ҳам катта кечани кутмоқда", — деди Усик The Ring нашрига.