Усик янги промоутер билан шартнома имзолайди, жанг 150 минглик аренада ўтказилади

The US Sun нашрининг ёзишича, гап АҚШнинг ғарбий соҳилларида жойлашган яқинда ташкил этилган промоутерлик компанияси ҳақида кетмоқда. Бу компания IVisit Boxing ҳисобланади. Унинг раҳбари Эд Перейра бўлиб, аввал Турки Ал аш-Шайх билан бирга ишлаган.

Бу ҳақда бугун, 16 январь куни расман эълон қилиниши кутилмоқда. Режа бўйича Усик 11 июль куни Сан-Францискода бўлиб ўтадиган ва 150 минг томошабиндан иборат рекорд даражадаги аудиторияни тўплаши керак бўлган шоуда жанг қилиши керак. Ушбу тадбир доирасида мусиқа фестивали ҳам бўлиб ўтади ва у ташкилотчиларнинг ҳамкори сифатида ишлайдиган YouTube хизмати томонидан трансляция қилинади. Чипталарнинг катта қисми бепул бўлиши тахмин қилинмоқда.

Усикнинг рақиби эса катта эҳтимол билан собиқ WBC чемпиони Деонтей Уайлдер бўлади.