«Усикнинг Фьюри билан рақобатлашиши қийин бўлади»

Оғир вазн тоифасида британиялик боксчи Жо Жойс WBО, WBА, IBF ва IBО йўналишлари чемпиони Александр Усик ҳамда WBC камари соҳиби Тайсон Фьюри ўртасидаги бўлажак эҳтимолий жанг ҳақидаги фикрлари билан ўртоқлашди.

Жойснинг қайд этишича, ватандоши бу жангда ғалабани нишонлаши мумкин.

«Фьюри рингга чиқади ва Усик билан ўйин қилади. Сиз нима демоқчи эканимни тушуняпсизми? Тайсоннинг маҳорати бор, Александрдан бўйи ва вазни бўйича устунлик қилади. У чап қўлда ҳам, ўнгда ҳам бокс тушишни билади. Менимча, у шундай рақиб билан ўйнай бошлайди.

Усикнинг Фьюри билан рақобатлашиши қийин бўлади. Ҳа, у яхши техникага эга, лекин Фьюрининг ўзига хос услуби бор, у кучли ва чидамли боксчи. Бундан ташқари, Тайсоннинг ақлли ўйинларда рақибини чалкаштириб юбориш қобилиятини ҳам унутмаслик керак. Шубҳасиз, бу қизиқарли жанг бўлади. Ва мен ҳеч кимга олдиндан ғалабани кафолатлай олмайман», - деди Жойс.

Аввалроқ, Жошуанинг Усик билан реванш шартномасидаги бандни расман фаоллаштиргани ҳақида хабар берилганди.