20 июл 11:53
Янгиликлар

Бокс/ММА

Усман Нурмагомедов 31 июль куни чемпионлик камарини ҳимоя қилади

PFL енгил вазн тоифаси чемпиони Усман Нурмагомедов 31 июль куни навбатдаги жангини ўтказади.

Россиялик жангчи АҚШнинг Нью-Йорк шаҳрида бўлиб ўтадиган PFL New York турнирининг марказий баҳсида америкалик Арчи Колганга қарши октагонга кўтарилади.

24 ёшли Усман Нурмагомедов профессионал фаолияти давомида ҳали бирор марта ҳам мағлубиятга учрамаган бўлиб, унинг ҳисобида 21 ғалаба мавжуд. У сўнгги жангини февраль ойида ўтказиб, Алфи Дэвисни мағлуб этган ва чемпионлик камарини муваффақиятли ҳимоя қилган эди.

Унинг рақиби Арчи Колган ҳам мағлубият нималигини билмайдиган жангчилардан бири ҳисобланади. Америкалик файтер 13 та жангнинг барчасида ғалаба қозонган

Маълумот учун, PFL New York турнири 31 июль куни Нью-Йорк штатидаги UBS Arena мажмуасида ташкил этилади.