31 мар 17:42
Янгиликлар

Спорт курашлари

UWW апрелдаги барча мусобақаларни бекор қилди, Жаҳон квалификация турнири ҳам 2021 йилга қолди

Бирлашган кураш дунёси (UWW) апрель ойига белгиланган барча халқаро мусобақаларни номаълум муддатга қолдирди.

Шунингдек, эркин, юнон-рим ва аёллар кураши бўйича жаҳон квалификация турнири ҳам 2021 йилга кўчирилди. Бунга Токио-2020 Олимпиадасининг 2021 йилнинг ёзига кўчирилгани сабаб бўлди.

Олимпиадага лицензия тақдим этувчи ва сўнгги имконият сифатида қаралувчи ушбу мусобақа 30 апрелдан 3 майга қадар Болгариянинг София шаҳрида ўтказилиши керак эди.