#уйдақол! #ҳаётгақўшил! челленжида навбатдаги ғолиблар

Жорий йилнинг 3 августдан қайта йўлга қўйилган челленжда қатнашиш орқали юртдошларимиз нафақат ўз саломатликларини мустаҳкамлаши, балки қимматбаҳо совғаларни ютиб олишлари мумкин.

31 август – 6 сентябрь кунлари оралиғида ўтказилган #уйдақол! #ҳаётгақўшил! челленжида юртдошларимиз ўзлари томонидан тасвирга олинган навбатдаги видеороликлар билан қатнашди. Мамлакатимиздаги спортсевар оилалар томонидан 100га яқин видеоролик қабул қилинди ва ҳакамлар ҳайъати томонидан энг яхши дея эътироф этилган 3 таси ғолиб деб топилди.

Эътиборли жиҳати, бу галги ғолиблик вилоятларимиз номидан иштирок этганларга насиб этди. Унга кўра 1-ўрин Сирдарё вилоятининг Сирдарё тумани, “Ширин” маҳалласида истиқомат қилувчи Эсановалар оиласига насиб этди.

Ҳакамлар ҳайъати қарори билан, челленжнинг 2-ўринига Тошкент вилояти, Чирчиқ шаҳри, Алишер Навоий кўчасида истиқомат қилувчи Қодировлар оиласи юборган видеоролик муносиб кўрилди.

Учинчи ўрин билан Тошкент шаҳри Миробод туманида истиқомат қилувчи Лебедовлар оиласи тақдирланди.

Челленж ғолиблари велотренажёр билан мукофотланади.

Сиз ҳам #уйдақол! #ҳаётгақўшил! челленжида фаол иштирок этинг ҳамда қимматбаҳо совғаларни қўлга киритинг. Унутманг, челленж   2020 йилнинг 15 декабрига қадар давом этади.