Кураш бўйича I Жаҳон ҳарбий Челленжининг тантанали очилиш маросими бўлиб ўтди

Маросимда Ўзбекистон Республикаси Мудофаа вазири Шухрат Халмухамедов, Спорт вазири Адҳам Икрамов, Бош прокурорининг ўринбосари - Ҳарбий прокурор Қаҳрамон Исроилов, CISM ўйинлар менежери Реза Багҳери Коли, CISM Бош котиби Роберто Реcчиа, Эрон CISM ташкилоти раҳбари, CISM Осиё кенгаши аъзоси Жамшид Фоулади, Ўзбекистон Миллий Олимпия қўмитаси Бош котиби Ойбек Касимов ҳамда Халқаро кураш ассоциацияси Президенти вазифасини бажарувчиси Зиёвиддин Ходжиниязов иштирок этди.

Тадбир доирасида Қуролли Кучлар Марказий ашула ва рақс ансамбли ҳамда таниқли санъаткорлар иштирокида миллий ва шарқона куй-қўшиқларни ўзида мужассам этган концерт дастури намойиш этилди.

Шунингдек, ҳарбий хизматчиларнинг кўргазмали чиқишлари тадбирга ўзгача руҳ бағишлаб, меҳмонлар ва томошабинларда катта таассурот қолдирди.

Мусобақада турли давлатлардан ташриф буюрган ҳарбий спортчилар кураш бўйича ўзаро куч синашиб, юқори спорт натижалари учун баҳс олиб боради.