20 авг 18:38
Янгиликлар

Қишки спорт турлари

Узоқ кутилган ғалаба! "Ҳумо" Россия клубини мағлуб этди

Тошкентнинг "Ҳумо" хоккей клуби Олий хоккей лигасининг янги мавсумига тайёргарликни давом эттирмоқда.

Шу кунларда Евгений Попихин шогирдлари Россиянинг Санкт-Петербург шаҳрида ўтказилаётган мавсумолди турнирида иштирок этяпти. Бугун хоккейчиларимиз мусобақа доирасидаги навбатдаги учрашувни Альметьевскнинг "Нефтяник" клубига қарши ўтказишди.

Ниҳоят, "Ҳумо" хоккейчилари ўзларининг узоқ кутилган илк ғалабаларига эришишди. Мухлислар 7 та гол кўришган учрашувда "Ҳумо" 5:2 ҳисобида зафар қучди. Ворошило дублга эришган бўлса, қолган шайбаларга Шербина, Григоренко ва Безруковлар муаллифлик қилишди. Эртага "Ҳумо" турнир мезбонлари - "СКА-Нева" клубига қарши музга чиқишади.