02 сен 08:03
Янгиликлар

Бокс/ММА

Валентина Шевченко сафдан чиқди, у камарини ҳимоя қила олмайди

Қирғизистонлик аёллар ўртасида энг енгил вазн (57 кг гача) тоифаси чемпиони UFC 332 турнирида ўз камарини ҳимоя қилиши керак эди.

Афсуски, жароҳати сабаб Шевченконинг бразилиялик даъвогар Наталия Сильвага қарши чемпионлик жанги бекор қилинди. Ушбу жанг UFC 332 турнирининг асосий воқеаси бўлиши керак эди. Турнир 3 октябрь куни АҚШнинг Солт-Лейк-Сити шаҳрида бўлиб ўтади.

"Валентина Шевченко жароҳати туфайли Наталия Сильвага қарши жангдан чиқди. Аввал хабар қилинганидек, ушбу жанг 3 октябрь куни Солт-Лейк-Ситида бўлиб ўтадиган UFC 332 турнирининг асосий воқеаси бўлиши керак эди", — дейилади хабарда.

Маълумот учун, 38 ёшли Валентина Шевченко профессионал аралаш яккакурашлар (ММА)даги фаолиятини 2003 йилда бошлаган ва 2015 йилдан буён UFC`да иштирок этиб келмоқда.