06 июн 19:02
Янгиликлар

Бокс/ММА

Василий Ломаченконинг рақиби айтилди

Роппа-роса бир йил олдин фаолиятини якунлаган уч вазн тоифасида собиқ жаҳон чемпиони Василий Ломаченконинг бўлажак рақиби аниқланди.

BoxingScene портали хабарига кўра, Ломаченко иккинчи ярим енгил вазн (59 кг гача) тоифаси камари учун даъвогар филиппинлик Чарли Суаресга қарши рингга кўтарилади. Осиёлик боксчининг бошқа жанги белгиланган ва агар у ғалаба қозонса, унинг кейинги жанг учун номзоди Василий Ломаченко мураббийлар штаби томонидан кўриб чиқилади.

Маълумот учун, 37 ёшли Суарес профессионал рингда 18 та жангда ғалаба қозонган (шундан 10 таси нокаут билан), унинг Эмануэл Наваррете билан жанги (ўтган йилнинг май ойида) эса бўлиб ўтмаган деб топилган.

38 ёшли украиналик Василий Ломаченко икки карра Олимпия чемпиони ҳисобланади. Профессионалларда у 18 та жангда ғалаба қозонган, 3 маротаба мағлубиятга учраган: Орландо Салидо, Теофимо Лопес ва Девин Хейни.

Ломаченко 2025 йилнинг 5 июнь куни фаолиятини якунлаганини эълон қилганди. Орадан бир йил ўтиб, у яна боксга қайтди.