Ватан ҳимоячилари кунига бағишланган тадбир

Ўзбекистон мудофаасига кўмаклашувчи "Ватанпарвар" ташкилоти Чирчиқ автомобиль мактабида 14 январь - Ватан ҳимоячилари куни ва Ўзбекистон Қуролли Кучларининг 26 йиллиги байрами муносабати билан "Миллий армиямиз- ёшларнинг мардлик, матонат ва жасорат мактабидир" номи остида байрам тадбири ўтказилди.

Коллеж - маҳалла - мактаб ҳамкорлигида ташкил этилган тадбирда Тошкент Ҳарбий Округи фахрийлар кенгаши, Мудофаага кўмаклашуви "Ватанпарвар" ташкилоти Тошкент вилояти кенгаши, Чирчиқ шаҳар ҳокимлиги, Чирчи шаҳар "Маҳалла" жамғармаси, Чирчиқ шаҳар ёшлар иттифоқи, Чирчиқ давлат педагогика институти ва бошқа мутасадди ташилотлардан меҳмонлар таклиф этилди.

Тадбир давомида автомобиль мактабида таълим олаётган "ВС" тоифадаги техник мутахассислар тайёрлаш иккинчи босқич ҳарбий хизматга чақирилувчилари, ушбу мактаб қошидаги спортнинг техник ва амалий турлари билан шуғулланувчилари томонидан кўргазмали чиқишлар қилинди.

"Ватанпарвар" ташкилоти Тошкент вилояти кенгаши тасарруфидаги "Ватанпарвар тароналари" ансамбли, Чирчиқ шаҳар 30-сонли мактабгача таълим муассасаси тарбияланувчилари, 7-сонли мусиқа ва санъат мактаби ўқувчилари ҳамда Чирчиқ Давлат педагогика институти талабаларидан иборат бадиий жамоаларнинг саҳна кўринишлари, куй-қўшиқлари тадбирга ўзгача завқ улашди.

Тадбир сўнгида ташкилотчилар томонидан таклиф этилган фахрийлар, офицер,  ва аскарларга фахрий ёрлиқ ва эсдалик совғалари топширилди.